06-01-2021. Cuort avon Nadal vegnin nus informai che la carta d’intervenziun per la vischnaunca da Tujetsch seigi terminada. Uss havein nus astgau prender encunter quei instrument che gida tier intervenziuns da malauras. Mintga liug d’intervenziun posseda treis fasas che declaran tgei mesiras che ston vegnir pridas. Quei levgiescha la lavur dil meinacziun e gida a prevegnir da donns. Plinavon sa ina singula persuna ni ina gruppa surprender ina incarica senza grondas delcaraziuns. La carta ei vegnida elavurada da tuttas instanzas involvadas sut il tgamaun digl Uffeci dad ual e prighels dalla natira. Ella exista ord differentas cartas sin pupi, ei denton medemamein integrada el sistem d’informaziun dils pumpiers e sa aschia vegnri consultada sin via digitala. Ussa savein nus far diever da quei impurtont regal da Nadal.