Adina puspei vegnan ils pumpiers clamai sin las pli differentas modas. Che quei sa ver consequenzas fatalas muossan differents exempels en nies cantun. Perquei supplichein nus Vus ferventamein da clamar ils pumpiers adina sur il clom d’urgenza 118, era sch’ei drova mo in pumpier!    1. Alarmar

Alarmei ils pumpiers adina sur il clom d’urgenza 118! Igl operatur alla centrala d’alarm sa decider en tgei fuorma ch’el vul clamar ils pumpiers. Tier in pign seracass ha el la pusseivladad da contactar era mo singuls pumpiers per decider ensemen cun els contas forzas che vegnan mobilisadas.

2. Spindrar

Spindrei las persunas, animals e sch’igl ei pusseivel era uorden senza denton semetter en prighel. Persunas che san buca vegnir spindradas duein sefar veser alla finiastra cu ils pumpiers arrivan sil plaz.

3. Stizzar

Sch’igl ei pusseivel da stizzar il fiug senza semetter en prighel empruar da far quei. Cass cuntrari informar aschi exact sco pusseivel ils pumpiers cu quels arrivan sil plaz.