24-1-2021. Ils vischins alarmeschan allas 16:42 uras ils pumpiers suenter ver constatau che la fassada dalla casa vischina a Cavardiras, buca habitada dapi la primavera 2020, ei cuvretga cun glatsch. Cun 6 pumpiers semettin nus sin via, beinsavend ch’ina lingia d’aua sto esser rutta e che l’aua cuora per la casa entuorn. La grondezia dil donn semuossa denton pér el liug: il plaunterren, l’emprema alzada ed ils indrezs dalla protecziun civila sesanflan tochen 10 centimeters sut l’aua ed aucn adina cuora in dutget da scalas e per part dalla fassada giu. Nossa finamira resta quella da tener il donn aschi pigns, vul dir: evitar che la schelira possi caschunar dapli donns duront la notg vid plantschius e mirs da betun. Pliras uras essan nus fatschnetai da pumpar giu aua cun pliras pumpas. Cunquei ch’il dumbrader d’aua ei staus legius giu il zercladur 2020 e la casa dapi lu buca pli habitada, savein nus che 393 meters cubic aua ein en casa. Il donn intern ei considerabels e vegn schazegaius sin 200’000 francs. Ensemen culla polizia cantunala ed igl um da pichet dall’ovra electrica eis ei gartegiau da segirar la casa.