Ils 22 da settember 2026, cuort avon las otg, ha ei dau ina collisiun en ina storta a seniester silla via cantunala suenter Mustér. In auto che carrava viers Cuera ei collidaus cun in vehichel che vegneva encunter. In dils automobilists era staus serraus en siu vehichel. El ei vegnius transportaus cun in helicopter da salvament el spital. Ulteriuras persunas involvidas ein vegnidas menadas tier il miedi per ina controlla.
In dils vehichels ha giu in donn total, l’auter ei vegnius donnegius fermamein. Duront las lavurs da salvament e rumida ein liquids da menaschi curri ora vegni ligiai entras ils pumpiers. La Via Alpsu ha stuiu vegnir serrada pliras gadas per cuort temps.
Ils pumpiers ein stai en acziun cun dudisch persunas, ensemen culla Polizia cantunala dil Grischun, il Salvament Surselva e gl’Uffeci da construcziun bassa.
8-8-2026. La sonda vargada han 16 commembers dil corp da pumpiers absolviu ina scolaziun da salvar persunas dall’ altezia sustenida cun sugas. Sut la direcziun cumpetenta dad Otti e Curdin Flepp ein ils participonts vegni instrui en las basas per luvrar a moda segira cun sugas sco era da salvar persunas.
La scolaziun ei s’orientada tenor il nivel da scolaziun 1 dalla lavur en l’ altezia dalla SUVA. El center ein stai en special las enconuschientschas fundamentalas, l’enconuschientscha dil material, il diever segir digl equipament persunal da protecziun encunter curdadas, tecnicas semplas d’access cun sugas sco era il salvament d’ina persuna ord l’ altezia.
Per nies corp da pumpiers ha quella scolaziun in motiv concret che stat en connex cun nossas intervenziuns: El tunnel d’access Sedrun sa ei esser necessari d’evacuar a moda segira ina persuna dalla plattafuorma da salvament. Muort las cundiziuns localas ei in salvament convenziunal buca pusseivels en mintga situaziun. Perquei ston las forzas d’intervenziun esser capavlas da salvar ina persuna dalla plattafuorma a moda segirada e controllada cun agid da sugas.
Duront la scolaziun ein ils process necessaris vegni elaborai pass per pass e silsuenter exercitai praticamein. Leutier han apparteniu: il diever ed il controllar correctamein igl equipament, l’installaziun dils sistems da segironza, il diever segir dils apparats utilisai sco era differentas situaziuns da salvament da persunas.
In’attenziun speciala ei vegnida dada alla segirtad ed alla collaboraziun enteifer la squadra. Tier lavurs cun prighel da curdar ston tut ils mauns e pass esser segirs ed incumbensas e responsabladads enteifer il team esser definidas claramein.
Cun haver absolviu quei cuors disponan ussa 16 commembers dil corp da pumpiers dallas basas necessarias per saver exequir, en cass d’in eveniment el tunnel d’access Sedrun, in salvament dalla plattafuorma da salvament a moda segira e coordinada.
In cordial engraziament ad Otti e Curdin Flepp per la direcziun cumpetenta e la scolaziun orientada alla pratica.
15.7.2026. Cuort suenter miezdi ha in automobilist giu in accident sur Tschamut. El ei vegnius giud via ed ei cupitgaus varga 50 meters dalla spunda teissa giu. En collaboraziun cun la polizia, il Survetsch da salvament Surselva, la Rega e nossa gruppa da salvament sin via ha la persuna blessada saviu vegnir tgirada e salvada.
Rapport Poca:
Am Mittwochmittag ist ein Personenwagen am Oberalppass von der Strasse abgekommen und überschlug sich. Der Lenker wurde leicht verletzt.
Der 71-jährige Automobilist fuhr am Mittwoch kurz vor 12.50 Uhr auf der Oberalpstrasse von der Passhöhe talwärts in Richtung Sedrun. Vor Tschamut geriet sein Fahrzeug in einer Linkskurve bei Prau Mulins rechts von der Fahrbahn ab und durchbrach einen Bündnerzaun. Anschliessend überschlug es sich im steil abfallenden Wiesland zweimal und kam auf den Rädern zum Stillstand. Arbeiter einer nahegelegenen Baustelle eilten dem Verunfallten, er konnte sich selbst auf dem total beschädigten Fahrzeug befreien, zu Hilfe. Der leicht verletzte Mann wurde durch ein Team des Rettungsdienstes Surselva sowie eine Crew der Rega medizinisch erstversorgt und anschliessend ins Kantonsspital Graubünden nach Chur geflogen. Aufgrund der ersten Unfallmeldung wurde auch die Strassenrettung Sursassiala aufgeboten. Die Kantonspolizei Graubünden ermittelt die genauen Umstände dieses Verkehrsunfalls.
9.7.2026. Franz Jörg Richter rimna daners per affons malsauns da malsognas nuncurablas. Quei fa el cun siu velo tras igl entir mund ed el ha visitau era nus. Ensemen culla Claustra Mustér vein nus susteniu siu project cun dar albiert.
Entuorn las 14.30 uras ei vegniu annunziau alla centrala d’intervenziun 118 che fem sorti d’ in edifeci cun pliras habitaziuns a Mustér. Cura ch’ils pumpiers ein arrivai sin plaz, steva ina part dil tetg cun ina installaziun fotovoltaica integrada en flommas. Ils Pumpiers Sursassiala ha localisau spert il fiug ed al han cumbattiu quel cun agid digl auto-scala. Muort la gronda calira ha la construcziun dil tetg stuiu vegnir stizzada pliras gadas. Entochen la damaun dil mardis ei vegniu mess ina guardia da fiug. Profilacticamein ei era il Survetsch da salvament Surselva staus en acziun. Duront ils lavurs da stizzar ha la Via Alpsu stuiu vegnir serrada per dapli che in’ura.
20.6.2026. Sin via encunter l’alp ha ina maschina agricola entschiet a barschar. Ils presents han saviu distaccar il carr annex. Muort la ferma calira han era la scarpa e la spunda pigliau fiug. Grazia all’intervenziun sperta dils pumpiers ha saviu vegnir impediu in pli grond incendi.
Bitte beachten Sie die Mitteilungen des Amtes für Wald und Naturgefahren unter wald.gr.ch. Das Verbot gilt voraussichtlich ab dem 26. Juni 2026 bis auf weiteres. Bei einem Aufgebot der Feuerwehr müssen Sie die Einsatzkosten übernehmen.
Nies officier Lucas Schnoz ei vegnius elegius unanimamein sco commember dalla suparstonza dall’ Associaziun grischuna da pumpiers. Cordiala gratulaziun!
11 d’avrel 2026 – in di tut spezial per nos pumpiers, mo era per il claustra da Mustér.
Per l’emprema gada havein nus organisau ina scolaziun intensiva per ils giuvens (e quels restai giuvens) paders e fraters dalla claustra da Mustér. L’idea ei naschida en connex el rom d’in exercezi annual d’evacuaziun ed entras discuors, surtut cun pader Murezi, che ha era gidau activamein tier la preparaziun.
In incendi en claustra ei per nus pumpiers ina gronda sfida. Biaras parts dil baghetg ein tecnicamein sin il pli niev stan grazia als sistems da protecziun encunter fiug, perquei che l’entira claustra ei vegnida renovada ils davos decennis. Tuttina para il baghetg per persunas che enconuschan buca el – e quei ei la gronda part da nos pumpiers – sco in labirint. Perquei essan nus, tier mintga intervenziun, dependents da persunas ch’enconuschan il liug.
Fortunadamein ha la claustra saviu retscheiver ils davos onns plirs giuvens paders. Quei motiv ha schau nescher l’idea da scolar quellas persunas per ch’ellas sappien sustener nus en cass d’ina intervenziun en claustra. Per che quei funcziuneschi, ston persunas ed ils andaments esser enconuschents – quei spargna bia temps en cass serius.
Il program ei perquei staus planisaus consequentamein: En ina emprema part havein nus persequitau in alarm, naven dalla communicaziun entochen alla liquidaziun tras ils pumpiers. En fuorma da giug havein nus simulau in eveniment e spert ei semussau che tut ils diesch participonts ein stai zun interessai. Ei ha dau damondas e vivas discussiuns.
Suenter havein nus tractau l’evacuaziun e il cumbat encunter il fiug cun mieds sempels. Nus havein mussau ina part da nies equipament per ch’ils participonts survegnien ina idea tgei ch’ ei pusseivel e tgei premissas ch’ein necessarias per saver duvrar quels mieds.
Sco finiziun vein nus equipau tuts cun apparats da respiraziun. Quella part ha giu plirs intents: Da mussar con grev che la tscherca da persunas ei el fem, mo era da far veser che spazis enconuschents san daventar spert ina trapla. Tut ils diesch paders han mess senza hesitar in apparat da respiraziun si dies ed han tschercau localitads en trups da dus.
Quei miez di ei staus in grond success per omisduas varts. Il pli impurtont intent ei vegnius contonschius: la regla KKKK – en crisas enconuscher persunas e lur cumpetenzas. La scolaziun ha dau segirtad als participonts ed ha era priu la tema, aschia che mintgin sa agir pli ruasseivlamein e ponderadamein en cass serius.
Ils 8 d’avrel 2026 ei vegniu organisau in exercezi communabel dallas organisaziuns da cazzola blaua: polizia, sanitad e pumpiers. Finamira digl exercezi ei stada da trenar la collaboraziun tier in accident da traffic pli cumplex e da verificar ils decuors sut cundiziuns realisticas.
Scenari digl exercezi
Igl ei vegniu simulau ina collisiun denter in auto da persunas ed in vehichel agricol. En tut han treis persunas stuìu vegnir salvadas, ina da quellas gravamein blessada. Las forzas d’intervenziun han coordinau il salvament, segirau l’assistenza medicinala ed exequiu il salvament tecnic.
Decuors e collaboraziun
Igl exercezi ha mussau ina fetg buna collaboraziun denter tuttas organisaziuns participontas. Las cunvegnas denter polizia, sanitad e pumpiers han funcziunau senza problems. Tuttas lavurs ein vegnidas exequidas correctamein sin camp professiunal. En spezial ei da remarcar la maniera ruasseivla, concentrada e tuttina speditiva da luvrar.
Enconuschientschas e potenzial da migliurar
Sco tier mintga exercizi han era saviu vegnir tratgas conclusiuns impurtontas:
• La communicaziun alla front denter sanitad e pumpiers sa vegnir optimada vinavon.
• L’axa da salvament sto vegnir tenida libra pli consequentamein, surtut tier vias stretgas.
• Unitads che vegnan suenter ston vegnir fermadas e coordinadas ad uras.
Conclusiun
Igl exercezi ei staus in success e muossa claramein che las organisaziuns participontas ein bein preparadas per il cass serius.
Engraziament
In cordial engraziament va a tuttas organisaziuns participontas per lur grond engaschament. In special engraziament a Pierino Bisquolm e Conradin Caduff per l’organisaziun e realisaziun digl exercezi.
(Poca GR) Venderdis avonmiezdi ei in auto collidaus a Sedrun cun pliras persunas. Ina dallas persuna ei vegnida blessada mortalmein e duas autras persunas blessadas miezgrev tochen grev.
Tenor las empremas enconuschientschas ha il manischunz dil vehichel, in um da 87 onns, sbagliau cuort avon las 10.00 uras sin ina via da quartier il pedal da gas cun quel da frenar. Il vehichel ha accelerau ed ei carraus en quater persunas ord ina gruppa da scolars cun lur persunas d’accumpignament. Ina dunna da 47 onns ei vegnida blessada aschi grevamein ch’ella ei morta sin il liug digl accident.
Duas buobas da 13 onns, blessadas miezgrev tochen grev, ein vegnidas tgiradas suenter entras persunas presentas che han prestau emprem agid, silsuenter da dus teams dil Servetsch da salvament Surselva sco era da duas equipas dalla Rega per lu vegnir transportadas el Spital cantunal Grischun sco era el Spital cantunal da Lucerna. In buob ei vegnius blessaus levamein ed ei vegnius tractaus ambulantamein.
Per la tgira dallas ulteriuras persunas dalla gruppa ei il Care Team Grischun staus en acziun. Medemamein ein ils Pumpiers Sursassiala stai en acziun. Sut la direcziun dalla Procura publica dil Grischun sclarescha la Polizia cantunala ils detagls e las circumstanzas che han menau a quest accident da traffic.
Nus exprimin allas famiglias pertuccadas ed a tut ils confamiliars nossa profunda condolientscha.
Nus utilisein cookies sin nossa website per regurdar e segidar cun tei davart experientschas relevantas tier visetas repetidas. Entras clicar “Acceptar tuts”, dattas ti a nus la lubientscha dad acceptar tuts cookies. Ti sas denton era visitar "Definar cookies" per adattar Vies consentiment. Dapli informaziuns anflas ti sut informaziuns.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
