Cordial beinvegni

Ti sesanflas silla pli veglia pagina da pumpiers dil cantun Grischun. Dapi la stad 1998  provedin nus la publicitad cun informaziuns davart noss’organisaziun, quei per romontsch e tudestg. Nossa pagina cuntonscha buc mo persunas indigenas, mobein ei era enconuschenta lunsch sur ils cunfins dalla tiara.

Ils pumpiers da Medel/Lucmagn, Tujetsch e Mustér fuorman communablamein in’organisaziun da pumpiers, tenor la surfatscha la gronda dil cantun Grischun. Sper las lavurs da basa provedin nus era la regiun Cadi sco center d’intervenziun e purschin ulteriurs survetschs naziunals.

Aschia giavischein nus a ti bien divertiment da fuffergnar tras nossas informaziuns.

Tes Pumpiers Sursassiala



Cordiala gratulaziun Riccardo!

Cordiala gratulaziun Riccardo sco niev instructur da pumpiers CSP! Nus essan loschs da tia prestaziun che ti has uss contonschiu suenter dus stregns onns da lavur. Sco emprem instructur tuatschin insumma astgas ti esser loschs dil contonschiu. Nus giavischein a ti bia plascher ella nova funcziun.