Per saver prender risguard dils standards d’intervenziun svizzers duvrein nus sin in aschi grond territori plirs locals da pumpiers. Plinavon engrevieschan lavinas e bovas igl access als vitgets ed uclauns. Deposits locals ein per quei motiv necessaris. Da vart seniastra saveis Vus eleger ils loghens nua che nus essan staziunai.

Dapi ils 23 d’avrel 2013 sesanfla nies niev dacasa a Sedrun alla Via Drun 16, amize la zona d’industria. Il baghetg construius per ina firma da baghegiar, pli tard vegnius funcziunaus entuorn sco garascha d’autos ei vegnius modificaus per ils pumpiers. La gronda lavur ei vegnida fatga dils pumpiers sezs. Inagada che l’avertura dalla zona ei terminada, suenter che la NEAT ei finida 2013/14, vein nus in bien access da tuttas varts. era sesanfla nies niev liug d’intervenziun ella vischinonza: igl access al tunnel dalla NEAT.

Ils 24 da fenadur vein nus saviu midar casa, in eveniment tut special e gia daditg desiderau. Il niev local sesanfla alla Gassa da Cuoz 1 gest suenter la sortida dil vitg da Mustér. Finalmein vein nus plaz per nossas maschinas e nies equipament. Quel semuossa gia all’entrada nua ch’il grond parcadi lubescha schizun da manevrar nos pli gronds camiuns senza problems. Portas da 4 meters ladezia ed altezia lubeschan in access nuncumplicau.         <img src=”images/ausruestung/depot-cuoz/cuoz%205.jpg” border=”0″ alt=”Basa da material Cuoz/Mustér” title=”Basa da material Cuoz/Mustér” width=”200″ style=”margin-left: 10px; margin-right: 10px; float: left;” /> 450 meters quadrat stattan a disposiziun per maschinas e gardaroba, vitier vegnan ulteriurs 70 meters surfatscha per il material. Per il schurmetg da flad vein nus endrizzau ina via da schubergiar ils apparats e per tuts vehichels ein colligiaziuns cun forza electrica ed aria avon maun. In luvratori lubescha da far reparaturas el liug ed ensemen culs menaschis tecnics dalla vischnaunca vein nus era la pusseivladad da tancar sil plaz

Tuttas treis vischnauncas consistan ord plirs uclauns. Cunquei ch’ei fuss nunpusseivel dad haver dapertut avunda material da stizzar, havein nus plirs deposits pigns els loghens periclitai. Els deposits sesanflan uders e bucchins, pia material da basa per l’emprema intervenziun.

Vischnaunca Medel/Lucmagn

Soliva

Mutschnengia

Baselgia

Drual

Pardé

Fuorns

Vischnaunca Mustér

Cavardiras (entrada dil vitg)

Cavardiras (local da pumpiers vegl)

Pardomat

Madernal

Faltscharidas

Clavaniev

Funs

Acletta

Buretsch

Segnas (casa da scola)

Segnas (miez il vitg)

Peisel

Mumpé Tujetsch (sut il vitg)

Mumpé Tujetsch (amiez il vitg)

Mumpé Medel (sut il vitg)

Mumpé Medel (amiez il vitg)

Vischnaunca Tujetsch

Surrein

Cavorgia

Rueras

Dieni

Milez

Selva

Tschamut

Platta, Pardé e Fuorns schaian sisum la Val Medel. Ei capeta mintgaton che quels treis uclauns ein serrai giu dil rest dalla val entras prighel da lavinas. Perquei possedan ils pumpiers a Platta in pign deposit cun ina scala ed ina sprezza a motor tip 8/4. Era in butschin grond per aua da stizzar incendis d’uaul ei avon maun. Quel sa vegnir pendius el liug directamein vid il helicopter.

El sutterran dalla Tgasa communala sesanflan duas localitads da pumpiers, mintgamai ina da mintga vart dalla casa. Ellas duas localitads ha il material per l’emprema intervenziun Medel plaz, denter auter dus vehichels ed ina sprezza a motor.