27-9-2023. Nundetg cletg ha in manischunz dad in camiun giu sin siu viadi da Val Plattas encunter Curaglia. Sin la via d’uaul vegn el aschi datier digl ur dalla via che quel rumpa e lai suenter. Sulettamein il tanc dil vehichel evitescha ch’il camiun croda buca 70 meters ella profunditad. Cun tanc donnegiau vegn il manischunz da sedeliberar ord sia situaziun malguessa e carrescha sin in parcadi sut il vitg da Curaglia nua che la gronda part dil diesel cula ord il tanc. En acziun vegnan 8 pumpiers, la polizia cantunala, igl Uffeci per natira ed ambient, igl Uffeci da construcziun bassa, igl Uffeci forestal Medel, sco era il possessur ed in mecanist dalla firma pertuccada. Il manischunz vegn buca blessaus.