28-10-2023. In engaschi tut special vein nus astgau absolver ensemen cun nos camerats dad Andermatt duront la fin dalla jamna. Nus vein accumpignau il vegl tren da vapur che cursava avon 110 onns sil tschancun denter Mustér e Realp. Duront dus dis vein nus entupau dabia persunas sper e sil binari e vein aschia buca mo schau fascinar dalla veglia tecnica, mobein era da biars discuors. E sco sche la veglia locomotiva vess vuliu empruar nossas capacitads: Cuort sur Tschamutt dat ella fiug a pastira e cagliom. Grazia al concept d’intervenziun preparaus aposta pils viadis vein nus saviu intervegnir fetg spert ed aschia evitar donns.