Dils 10 als 14 da zercladur 2013 ha giu liug el center da scolaziun Andelfingen (ZH) il cuors da basa per instructurs. Duront la jamna vegnan ils participonts introduci ellas scolaziun da pumpiers. Sils divers camps metodica/didactica, formaziun d’ina lecziun, communicaziun, visualisaziun, analisa da seracass obtegnan ils pumpiers in sacados plein ideas co ins sa instruir temas da pumpiers pli tard els divers corps e duront cuors e scolaziun en mintga cantun. Il center da scolaziun posseda ina fetg buna infrastructura che selai integrar fetg bein ella scolaziun. Egl atelier da fiug sa vegnir simulau incendis, in cumplex industrial lubescha barschaments da liquids, gas e vehichels. Ina casa per far fiug lien sco era baghetgs che san vegnir empleni cun fem arrundeschan il repertori. Dapseras dat ei naturalmein dabia plazs per scolaziuns. L’infrastructura ei lu era vegnida nezegiada stediamein dils participonts. Era 2013 han 18 candidats dall’entira Svizra tudestga e romontscha astgau retscheiver il beinmeritau certificat. Dil cantun Grischun ein quei: Patrick Aliesch, Martin Bruderer e da nies corp da pumpiers Livio Zanetti. Nus engraziein grondamein als organisaturs dalla CSP (Coordinaziun svizra da pumpiers) ed als scolasts da classa. 

Red: Cordiala gratulaziun a Livio Zanetti per reussir e bia plascher e success en sia nova incarica!