La homepage dils Pumpiers Sursassiala ei la pli veglia homepage da pumpiers dil cantun Grischun. Dapi 15 onns eis ella nuninterruttamein online per rapportar davart intervenziuns, novitads ed informaziuns pertuccont ils pumpiers sisum la Surselva. La gronda sfida ei segir da porscher il cuntegn en dus lungatgs: romontsch e tudestg! Dapi 1988 ein buca mo ils pumpiers semidai, denter auter ein ils Pumpiers Mustér fusiunai culs Pumpiers Medel e Tujetsch, era la tecnica digl internet ha fatg fetg gronds svilups. Adina puspei ha ei giu num adattar la pagina. Nus fagein oz perquei in proxim pass e midein sin CMS. Il niev sistem lubescha da luvrar independentamein d’in singul computer. La pagina daventa pli dinamica e cheutras era pli attractiva. Veigies empau pazienzia sche buca tut funcziunescha aunc.