23-5-2013. Gia dapi plirs meins luvrein nus ensemen cugl Uffeci federal per migraziun e la Polizia cantunala vid in concpet da segirtad per il center d’asilants al pass Lucmagn. Gia oz, pia duas jamnas avon l’avertura dil center, astgein nus dir ruasseivlamein dad esser semtgai. Ensemen culs specialists dalla Confederaziun vein nus planisau plirs scenaris pusseivels. Era il viadi pli liung ei staus in tema. Nus essan oz perschuadi da ver in bien concept per garantir ina segirtad maximala allas persunas che prendan dimora el center. Da vart da construcziun, mo era da vart dil concept ei ina segirtad maximala garantida. Il pli malsegir factur ei denton buc calculabels. Quel fuorman ils cussadents sezs. Las pretensiuns per midadas da vart dils pumpiers ein stadas pintgas. Sulettamein ina tschaffada d’aua ha stuiu vegnir construida. Las intervenziuns san vegnir fatgas cul material avon maun. Ed in punct positiv dapli: sper la buna collaboraziun cun nos partenaris ha il contact cul Tessin saviu vegnir intensivaus.