Text original dalla Gasetta Romontscha dils 15 da zercladur 1949 Fiug, Fiug! – Il clom de fiug, il tgiern de fiug ed ils zenns de s. Gions allarmeschan ils vischins de Mustér il venderdis sera [ils 10 da zercladur 1949] allas 11.30. Gia stat il clavau, che auda tier la casa die sgr. Gius. Spescha a Raveras, en flomma. Cun ina spertadad nuncapeivla seglia il fiug vi sin la casa. Quater famiglias ed ina femna persula vegnan surpridas dal fiug, che vegn gia da fenestra en. Ei ston fugir aschi spert, ch‘ ei vegnan de Iiberar pauc auter che la veta.  Ils pompiers dil Vitg, della claustra, de Segnas e de Mompe-Medel fan buna lavur. Cun diesch lingias d‘ aua vegnan eIs de localisar iI Iiug. Tut damonda suenter la sprezza a motor. Quella maunca deplorablamein ed aschia sa I‘ aua digl ual d‘ Acletta ual sper il plaz de berschament buca vegnir tratga a nez. Per cletg regia negin suffeI, schiglioc fuss il contuorn de Raveras en grond prighel. Cun tgei spertadad il vent derasa il fiug en in stretg complex de casas lenn sco a Raveras demuossa la catastrofa de Selva. Nus Iein engraziar a Diu, ch‘ el ha schurmiau nies vitg d‘ ina semeglionta catastrofa.  Co vesa ei ora la sonda endamaun? – II clavau, il Iuvratori de Conrad Werth ed ina mesadad della casa sco era il tetgal ein daventai in‘ unfrenda dellas flommas, 18 persunas – iI bia affons – ein senza tetg. Duas famiglias han piars tut. E las autras? – 200 000 liters aua han fatg buna lavur el fiug, denton era caschunau in grond donn. Las mobillas ed igl inventari de tuts cussadents ei vegnius lavagaus dall‘ aua. L‘ indemnisaziun della segirada ei zun pintga. Era la casa ei ruinada. Bein il pli grond donn pitescha il proprietari dils baghetgs intschendrai, sgr. Giusep Spescha, bab de 12 affons.  Engraziond a Diu, ch‘ eI ha pertgirau nus da pli gronda sventira, lein nus seregurdar era de nos donnegiai. Naturalias, resti e daners per quei intent san ins deponer en casa parvenda a Mustér ni adressar a Sur Fidel Camathias, plevon Mustér.  Dieus paghi e pertgiri Vus!