Assicuranza d'edifecis dil Grischun

Polizia da fiug

La polizia da fiug cantunala ei responsabla per la prevenziun e la scolaziun dils pumpiers. Consequentamein ei quella partiziun dalla segirada da baghetgs cantunala partida en duas parts; d'ina vart la prevenziun che controllescha e survigiliescha la construcziun da baghetgs egl entir cantun e da l'autra vart l'ustonza encunter fiug che procura ch'ils pumpiers vegnan scolai ed equipai endretg. Era il provediment d'aua d'ina vischnaunca appartegn a quella sparta.

 

Pumpiers cantunals e polizia da fiug cantunala

  • Markus Feltscher, Favugn, directur dalla segirada da baghetgs cantunala
  • Hansueli Roth, Serneus, inspectur cantunal da pumpiers
  • Ricardo Arpagaus, Cunter, substitut digl inspectur cantunal
  • Christian Flütsch, Conters, inspectur da partiziun
  • Gion Tenner, Mustér, instructur ed inspectur districtual

  • Conradin Caduff, Cumbel, instructur
  • Fredy Caminada, Mustér, instructur
  • Armin Manetsch, Mustér, instructur
  • Pierino Bisquolm, Mustér, instructur
  • Maik Defuns, Breil, instructur 
  • Livio Zanetti, Mustér, instructur

 

Polizia da fiug communala

Naven dils 1 da zercladur 2012 ein las lavurs dalla polizia da fiug vegnidas surdadas all'Assicuranza d'edifecis dil cantun Grischun. Per la Sursassiala ei il biro a Glion cun Marcel Cadalbert e Franz Decurtins responsabels.


Suprastonza dalla corporaziun

Cumposiziun

La suprastonza secumpona dils geraus responsabels dallas treis vischnauncas:

  • Victor Flepp, president. Disentis/Mustér
  • Gian-Reto Nufer, vicepresident, Rueras/Tujetsch
  • Tabea Baumgartner, Medel/Lucmagn

Il cumandant da pumpiers e ses substituts assistan allas sedutas cun vusch cusseglionta.
La suprastonza seconstituescha sezza (president e vicepresident). Davart las tractativas vegn menau in protocol che cuntegn silmeins ils conclus ed ils resultats dallas votaziuns. 

 

Incaricas 

Alla suprastonza dalla corporaziun cumpetan las suandontas incaricas:

  • representar la corporaziun anoviars e liquidar tuttas fatschentas ch’appartegnan allas cumpetenzas dalla suprastonza;
  • elaborar propostas per mauns dallas vischnauncas;
  • applicar l'ordinaziun dalla polizia da fiug cantunala;
  • fixar sin proposta dil cumandant igl effectiv dil corp da pumpiers;
  • eleger il cumandant, ils vicecumandants, il cau da material ed ils furiers;
  • incorporar e relaschar pumpiers;
  • tractar ils recuors da recrutaziun;
  • relaschar ils reglaments necessaris per il menaschi da pumpiers (inclusiv castitgs);
  • tgirar il contact cun las autoritads involvadas (pumpiers dalla GVG);
  • preparar il quen ed il preventiv dalla corporaziun per mauns dallas suprastonzas communalas; 
  • informar regularmein las suprastonzas communalas.

 

Sedutas

La suprastonza dalla corporaziun vegn convocada dil president ni dil vicepresident sco era sin damonda dil commando da pumpiers, quei tenor basegns. La suprastonza dalla corporaziun ei cumpetenta da decider sche tuts commembers ein presents. En cass specials eisi era pusseivel da decider sin via da circulaziun.