15-9-2016. Igl alarm general dad uonn ha giu liug el center per ils requirents d’asil Bellavista a Mustér. Igl entir corp da pumpiers ha giu il pensum dad evaquar la casa, in baghetg fetg cumplicau. Ils requirents ein segidai sco “pazients”. Ils corridors, las differentas alzadas cun dabia scalas han pretendiu sforzs specials per ils 37 pumpiers cun schurmetg da flad. Pliras gadas ein las medemas stanzas vegnidas intercuretgas. Mo era ils samaritans han giu da sbatter cun novas sfidas: ferton che romontsch e tudestg eran buc in bien agid, vessen els plitost duvrau engles, terc ed arab. Malgrad tuts problems ei igl exercezi gartegiaus e segir essan nus preparai sch’ei duvrass inagada in’intervenziun.