15-3-2014 Nus absolvin igl emprem exercezi communabel el Tunnel da Basa dil Gottard. Ensemen culs pumpiers dad Erstfeld e Biasca vegn simulau in accident dil tren da betun el tunnel. La damaun baul essan nus parti via Lucmagn per arrivar allas 0645 uras ad Erstfeld. Suenter igl alarm e dabia temps semetter il tren da salvament en moviment encunter il plaz d‘accident. 37 kilometers va ei atras il niev tunnel, sut Sedrun ora, nua che nus encurschin con datier dil dacasa che tut ei. Igl exercezi sco tal ei meins spectaculars, plitost va ei per la communicaziun denter ils corps da pumpiers. Cheu dat ei aunc beinenqual caussa da migliurar, mo nus vein gie aunc dus onns temps. Sin nies viadi da retuorn visitein nus nos camerats dil San Bernardino. Els muossan a nus lur vehichels ed ina viseta ella centrala da survigilonza ed il tunnel mauncan era buc. Staunchels e cun bia novas impressiuns arrivein nus finalmein a casa.