2012 ei stau per nus in onn ruasseivel. Bein ein ils pumpiers era stai en funcziun ver 30 gadas. Denton ein las intervenziuns stadas plitost pintgas. Sulettamein il stregn unviern ha procurau per intervenziuns pli grondas entras guardias da lavinas e survetschs da serrar vias. La stad ei stada plitost bletscha ed aschia ha ei buca dau bia da far. Paucas intervenziuns muntan denton buca che nus vein fatg nuot. Aschia vein nus giu buna peda da seconcentrar silla scolaziun e leu vein nus fatg in bien pass anavon. Nus vein adempliu las directivas pretendidas cun success. Uss essan nus promts per il niev onn ed era per il niev reglament che spetga nus.