Rapport: Poca GR

23.05.2023. Mardis avonmiezdi collidescha in automobilist sin la Via Alpsu el vitg da Mustér culla gardetscha e cupetga silla vart.

Igl um da 66 onns ei allas 10.20 uras sin via encunter il Pass Alpsu. En in carraun seniester dalla Via Alpsu H19 a Mustér collidescha el cun la gardetscha ed in candelaber. Igl auto sederscha silla vart seniastra. Passants san spindrar igl um ord siu vehichel ed in team dil Salvament Surselva transportescha igl um per ina controlla medizinala el Spital regiunal a Glion. Igl ieli che sortescha dil vehichel vegn ligiaus dils Pumpiers Sursassiala ed allontanaus. La Polizia cantunala grischuna sclarescha il decuors digl accident.