30-9-2019. Il ditg spitgar ei secumprovaus: gest treis vehichels novs vein nus astgau prender encunter: il camiun ABC, igl auto da commando ed igl auto-cistiarna. Naven dad immediat surveschan els alla segirtad dallas vischnauncas e dalla regiun. Biars ein vegni per festivar - in bi segn da renconuschientscha per tut nossa lavur. Engraziel fetg!

A caschun dalla fiasta ein treis vehichels vegni surdai ufficalmein als pumpiers:

  • camiun ABC entras René Schwitter, Walser SA Zezras - in vehichel dall'Assicuranza d'edifecis dils cantun Grischun
  • Vehichel da commando PRIMUS entras Reto Filli, Zugerland Verkehrsbetriebe SA da Zug
  • Autocistiarna GION entras Daniel Savary, meinafatschenta da Rosenbauer Svizra SA da Oberglatt

Plevon sur Mathew Kurian ha benediu ils vehichels. ferton che nies president Victor Flepp ha teniu il plaid da beinvegni, ha Jann Hartmann, vicedirectur dall'Assicuranza d'edifecis dils cantun Grischun,  fatg il plaid festiv e purtau ils salids dalla GVG. Ina gronda surpresa ha ei dau pil cumandant al qual il niev auto-cistiarna ei vegnius dedicaus. Rodund 500 persunas han dau suatientscha a nies invit.

Ils affons dallas treis vischnauncas han creu placats davart ils pumpiers pil di da fiasta. Quels vegnan el futur ad ornar nos locals da pumpiers.