ord Gasetta Romontscha nr. 21 dils 19-5-1904 

Il quors de pompiers a Mustér pil district Reinanteriur entscheiva, sco Ia re­genza lai publicar, Gliendlsdis-Tschuncheismas, ils 23 d. q., [da matg 1904] allas 4 suenter miezdi. IIs instructers per tal quors fuvien buca ded obtener avon e buca pli tard. Scadina vischnaunca duessi termetter silmeins 8 dlelegai tier il quors, il qual vegn a cuzzar entochen sonda sera. Quost e Iogis per ils participonts ei procurau e paga il cantun. (Event. sclari­ment dat la suprastonza de Mustér, aIla qua­la in vegli era ton pli spert notificar il diem­ber dils delegai.)

Muort I‘ impurtonza della caussa recom­mondein nus allas vischnauncas de separtici­par stedi da tal quors de pompiers. Era de­legai ord auters districts san separticipar. (Red.)

 

ord Gasetta Romontscha nr. 22 dils 26-5-1904

— Entras il present quors de pompiers vesa Mustér ora quest‘ jamna sco ina pintga garnischun. Fertont che las 25 scolaras dil quors per lavurs manilas lavuran sco aviuls tut tgeuamein en casa de scola exerciteschan ils 37 pompiers ord las differentas vischnauncas dil district Reinanteriur en tenuta e sut disciplina militera dalla damaun entochen se­ra stediamein el liber cun sprezzas, scalas e hydrants e fan veseivels progress sut I‘ener­gica, capavla direcziun de Sgr G. Brugger de Cuera e ses instructers auxiliars Sgr. Ant. Heini de Razén e Sgr. A. Mathis de Cuera. Tuts participonts muossan ludeivla premura e vegn quei quors speronza a purtar buns fretgs ella Cadi pigl uorden de fiug, tonpli che schizun commembers della dertgira cirquitala e di­strictuala separticipeschan de quel. Sonda se­ra siara il quors cun in‘ inspecziun.

 

ord Gasetta Romontscha nr. 23 dils 1-6-1904

— Il quors de pompiers a Mustér ei ve­gnius serraus sonda sera suenter in‘ inspecziun entras il delegau pres. Castelberg de Glion. Il davos exerceci de seglir e fierer or da fenestra umens e buobs en ina solida, lada teila stendida ha provocau buca pauc spass. En siu fulminont plaid final ha Sgr. iustructer Brugger exprimiu Ia cuntentientscha culla premura e las prestaziuns dils participonts e la speronza, ch‘els anflien ellas vischnauncas buna suatientscha e bien success. En num dil cumin e dils participonts ha Sgr. derschader G. A. Deplazes engraziau als instructers per lur breigia e stenta, che vegni speronza purtar buns fretgs. Fiat! 

 

ord Gasetta Romontscha nr. 3 dils 14-1-1904

— Pils cuors d‘ instrucziun de pompiers vegneva entochen dacheu mintgamai duvrau il material dil liug d‘exercezi. Essend che quei material fuv‘ aber en bia loghens buca fetg exemplarics e ch‘ ei vegneva dapart del­las, resp. vischnauncas savens quintau persuen­ter al cantun exorbitantas indemnisaziuns, ha la regenza concludiu de grad metter neu sin quen dil cantun ils necessaris requisits per tals cuors de pompiers. —