3-11-2015. Cuort avon l’ ina da miezdi rumpa ora in fiug a Sogn Gagl, Pass Lucmagn. Entras ina cigaretta peglia il pastg, pli tard striaunas, cagliom, draussa e pégns fiug. Il fiug sederasa a moda explosiva cunquei ch’ igl ei aschi schetg. Alla fin daventa ina surfatscha da varga in kilometer quadrat unfrenda dallas flommas. Malgrad il grond barschament pitescha la natira mo pign donn. La primavera vegn lu a mussar las plauncas en in bi vestgiu verd.

Dus helicopters, dus autos-cistiarna, 12 sprezzas a motor ed auters vehichels sustegnan ils 72 pumpiers, 2 polizists, 2 bostgers e nossa gruppa da sanitad da stizzar il fiug. Nies pli grond inimitg ei il ferm vent dil sid che buffa sul pass. Per part sederasa il fiug a moda extrema, en auters loghens semaglia el en cuschas e caglioms, aschia che nus stuein aunc returnar l’ auter di e finir da stizzar. Ils pumpiers anflan mo vess tegn sillas plauncas teissas e greppusas. Tuttina gartegia ei da stizzar la gronda part dil fiug avon ch’ ei rumpa en la notg.

La lavur ei stada exemplarica e tuts involvai meretan in grond laud ed engraziament per tut engaschi.

Fotos: Poca Mustér, F. Manetsch (FW)