7-1-2018. La dumengia endamaun ha ei dau in accident da traffic silla Via Alpsu H19. Dus autos ein collidai dado Lumneins sin territori dalla vischnaunca da Trun. Tschun persunas ein vegnidas blessadas: duas miez grev e treis levamein. Duront carrar encunter Mustér ei in automobilist selischnaus silla via schelada sin l'auter vial nua che siu vehichel collidescha cun in auto ch'era sin viadi encunter Glion. Ina persuna ha stuiu vegnir transportada cul helicopter el spital cantunal a Cuera, ulteriuras persunas ein vegnidas transportadas el spital entras ils dus teams d'ambulanza ch'ein medemamein vegni clamai sil plaz. Il miedi d'urgenza da survetsch vegnents da Breil ei medemamein staus en acziun. Ils pumpiers da Sursassiala han stuiu deliberar ina persuna ord il vehichel entras tagliar naven il tetg da quel. Ils dus teams da polizia han procurau per la segirtad sil plaz ed han instradau las retschercas necessarias. La via ei stada serrada per bunamein circa ina ura e miez per tut traffic.