16-7-2016. A Sumvitg cupetga in pur cun sia maschina agricola sur ina plaunca giu e vegn blessaus grevamein. Ensemen cun siu praticant eis el vidlunder da metter punschina cu sia maschina entscheiva a selischnar dalla plaunca giu. Il praticant vegn da siglir giu dalla maschina. Quella collidescha suenter tschunconta meters cun in grep ed entscheiva a cupitgar. Sper ils binaris dalla Viafier retica stat la maschina eri, denter ella enserrau il pur grev blessau. Il praticant sa clamar per agid e liberar il patrun ord sia maschina. Culla Rega vegn il grev blessau sgulaus en spital a Cuera. Sper la rega e sanitad ein plirs polizists, sco era ils specialists dalla gruppa d'agid stradal dils Pumpiers Sursassiala en acziun. Cun material da pionier sa il vehichel vegnir segiraus. La procura publica sclarescha il decuors digl accident. Al disgraziau giavischein nus buna reconvalescenza.

Rapport e maletgs: Poca/Pumpiers Sursassiala