Basa da material Cuoz/Mustér

Ils 24 da fenadur vein nus saviu midar casa, in eveniment tut special e gia daditg desiderau. Il niev local sesanfla alla Gassa da Cuoz 1 gest suenter la sortida dil vitg da Mustér. Finalmein vein nus plaz per nossas maschinas e nies equipament. Quel semuossa gia all'entrada nua ch'il grond parcadi lubescha schizun da manevrar nos pli gronds camiuns senza problems. Portas da 4 meters ladezia ed altezia lubeschan in access nuncumplicau.

 

 

 

 

Basa da material Cuoz/Mustér

450 meters quadrat stattan a disposiziun per maschinas e gardaroba, vitier vegnan ulteriurs 70 meters surfatscha per il material. Per il schurmetg da flad vein nus endrizzau ina via da schubergiar ils apparats e per tuts vehichels ein colligiaziuns cun forza electrica ed aria avon maun. In luvratori lubescha da far reparaturas el liug ed ensemen culs menaschis tecnics dalla vischnaunca vein nus era la pusseivladad da tancar sil plaz.

 

 

 

 

Basa da material Cuoz/Mustér

La gardaroba porscha plaz per 60 pumpiers. Scaffas grondas da 50 cm ladezia e profunditad lubeschan da metter suttetg tut igl uorden persunal.

 

 

 

 

 

Basa da material Cuoz/Mustér

Basa da material Cuoz/Mustér