Ils 19 da december ha la gruppa ssv giu in exercezi special. Alex Heim, nies pumpier tudestg, ha presentau il salvament sin via dalla Tiaratudestga. Suenter ina part teoretica ha el raquintau sur da differents accidents nua ch’el ei staus sil plaz da seracass. Dad el havein nus astgau retscheiver differents tips e trics che gidan franc era nus egl avegnir.

14-8-2003. Allas 13.00 uras ha in cametg caschunau in pign barschament da pastrira/uaul en Val da Crusch sut Stagias. Habitonts dil vitget da Mumpé Tujetsch han alarmau ils pumpiers. Muort munconza d’indicaziuns claras eis ei all’entschatta buca stau pusseivel da localisar il fiug.

18 pumpiers ein stai en acziun. Grazia agl auto da pressiun eis ei stau pusseivel da stizzar il fiug cun dus tancs d’aua ed entgina lavur cun risti e pala senza incaps. Suenter strusch 4 uras ei la’cziun stada terminada.

In exercezi tut special ha giu liug mesjamna, ils 14 da mars 2001. Per l’emprema gada s’entaupa il cader dils corps da pumpiers da Tujetsch, Medel/Lucmagn e Mustér ad in exercezi communabel a Curaglia. La finamira ei stada d’emprender d’enconuscher il corp da pumpiers dalla Val Medel. Il cumandant Armin Bundi ed il vicecumandant Toni Venzin han presentau il corp da pumpiers, mo era la situaziun speciala dalla Val Medel. Armin Bundi ei dapi tschun onns cumandant dils pumpiers da Medel/Lucmagn.

Toni Venzin ei dapi in onn vicecumandant da pumpiers. Che Medel ha problems da recrutar cader muossa bein che cumandant e vicecumandant ston parter sper lur incarica era quella dil cau da material e furier.                 Era sche Medel ei dil diember da habitonts mo ina pintga vischnaunca, ei il territori fetg gronds e tratgs bravamein alla liunga. Liungas distanzas pretendan liungs viadis. Quei caschuna problems sin diversas varts: ina gada l’alarmaziun dils pumpiers, da l’autra vart la repartiziun dil material e buc il davos il temps custeivel tier in seracass. 1990 cumpra la vischnaunca ina sprezza a motor tip 2. Ensemen cun la sprezza tip 1 sin in ulteriur carr annex, possedan ils pumpiers duas sprezzas.

4.2.2000. Wohl reif für die „Lezte Seite“ der Schweizerischen Feuerwehr Zeitung wäre folgender Beitrag: Am Freitag, den 4. Februar 2000 rückte unsere Feuerwehr, wenn auch nur mit einem Mann, wegen eines Skihelmes aus. Dieser war nämlich bei der Talstation der Bergbahnen Disentis in den Bach gefallen. Für die Angestellten der Bergbahnen war eine Rettung zu gefährlich und so wandte sich die verzweifelte Mutter an die Gemeindeverwaltung. Von dort aus wurde unser Kommandant benachrichtigt und er rückte sofort aus, um zu schauen, was eigentlich los sei. Am Ereignisort angetroffen, sah er den Helm einige Meter tiefer auf dem Wasser schwimmen. Als praktischer Mann hatte er bald einen Lösungsweg gefunden. Er informierte die Mutter und sagte, dass eine Bergung mit Hilfe einer Feuerwehrleiter das Aufgebot von mehreren Leuten zur Folge hätte. Doch dann erinnerte er sich an die alten, vom Zivilschutz her stammenden Leitern, und holte das nötige Rettungsgerät. In einer spektakulären Rettungsaktion konnte der Helm zwar nass, aber doch unbeschädigt geborgen werden.