13.06.2025. Venderdis suentermezdi allas 16:20 ha ei dau in accident cun in vehichel da cargar fein el territori Puzzastg Sut, sut la Via Val sper Surrein. Il manischunz ei vegnius blessaus mediocramain.
In um da 49 onns era vidlunder cun cargar in vehichel da fein. Duront il manischar anavos sin in teren teis, ei il vehichel sederschius ed ei cupitgaus sin la vart seniastra. Il pei dil manischunz ei vegnius serraus sut il vehichel.
Il Survetsch da salvament Surselva ha prestau igl emprem agid ensemen cun forzas dil Center d’intervenziun Sursassiala. Il blessau ei vegnius liberaus cun agid d’ina suga vid il helicopter dalla Rega ed ei vegnius sgulaus al Spital cantunal a Cuera.
La Polizia cantunala dil Grischun examinescha ussa las circumstanzas exactas che han menau agl accident.
