Il vischinadi dil vitg Mustér ha danovamein reorganisau siu corps de pompiers e declarau quel obligatorics per tuts umens da 17–50 onns in per fiug cul dretg de secumprar libers encunter ina dueivla taxa. Ina restnova armatura de pompiers cun helms e capetschas, ina nova scala de fug (Schiebleiter) de 15 m. lungezia ord la fabrica de Kreis a Wattwyl, in „Schlauchwagen“ ed auters requisits pigl uorden de fiug datan anim e curascha tier quei communizeivel survetsch. Ils exercecis ein gia l’entschatta vegni pri a mauns cun energia vegnend dedicau pell‘ emprema emprova in entir di. L‘ instrucziun meinan cun savida ed energia Sgr. Baseli Gigier e Sgr. G. A. Cathomas, che han giu frequentau il curs de pompiers cantonal. Il vitg Mustér ha dus aquaducts cun 8 hidrants ed in reservoir de 80.000 liters.

(ord Gasetta Romontscha dils 9 da matg 1901)