Ils 13 da fevrer 2025 ha giu liug in exercezi da salvament d’urgenza el tunnel da basa dil Gottard el rom d’ina controlla obligatoria per l’autorisaziun da menaschi. Igl exercezii ei staus necessaris per far l’examinaziun dils mieds da salvament entras la SUVA. Agl exercezi han priu part siat commembers da pumpiers ed era Heinz Schneiter dalla VFS, ch’era responsabel per quei exercezi. Igl ei vegniu exercitau in salvament d’urgenza cun ina barella a canaster, nua che la segirada encunter curdar ei vegnida examinada sut cundiziuns realisticas. Il test ei reussius e la SUVA ha saviu dar l’autorisaziun necessaria e giavischada. Igl exercezi ha mussau che las mesiras da segirtad el tunnel da basa dil Gottard adempleschan tuttas pretensiuns. La collaboraziun denter ils pumpiers ed ils responsabels dallas VFS ha funcziunau senza incaps.