31.10.2024 (Bericht Kapo)

Mesjamna avonmiezdi collidescha in automobilist culla seiv dalla via digl Alpsu e croda sur via ora dalla plaunca giu. Igl um vegn blessaus grevamein. 

Igl um da 60 onns carrescha allas 09:15h sin la via principala H19 dil Pass Alpsu encunter Sedrun. Cuort sur Tschamutt collidescha el culla seiv da vart dretga e croda rodund 30 meters dalla plaunca giu. Igl auto cupetga pliras gadas. Luvrers d’in plazzal da lavur ella vsichinonza vegnan immediat en agid, segireschan igl auto e prestan emprem agid. Endisch pumpiers dil center Sursassiala, il team dalla REGA ed il Salvament Surselva surprendan il salvament dalla persuna grevamein blessada e porschan agid medizinal. Il pazient vegn transportaus cul helicopter el Spital cantunal a Cuera. La polizia cantunala intercuera il decuors digl accident.