28-11-2021. Allas 16.45 uras constateschan vischins ch’ei sortescha fem ord ina habitaziun ed alarmeschan ils pumpiers. Ils polizists che possedan lur biro gest datier dil liug d’incendi el center dil vitg a Mustér han gia saviu evacuar las persunas cu il ils pumpiers arrivan sil plaz. Cun apparats per proteger la respiraziun entra igl emprem trup e frunta immediat sin fem ner e spess. Tuttina san els stizzar beinspert il fiug. La habitaziun vegn allura ventilada, medemamein las ulteriuras. Ina persuna sto vegnir transportada en spital. Ils donns vid la habitaziun ein considerabels. En acziun ein stai: 19 pumpiers, 2 polizists cantunals e 2 sanitaris dil Salvament Surselva.