18-8-2021. Cuort suenter las 0700 uras dalla damaun telefonescha il migiur dalla cuort claustrala ed annunzia ch’in dils 5 ladretschs fermenteschi e seigi tgunsch sin pigliar fiug. Nossa gruppa pintga vegn clamada ladinamein e las mesiraziuns culla sonda da fein muossan gia temperaturas sur 80° C, pia sur la marca critica da 75°C. Ussa suonda l’alarmaziun dalla emrpema gruppa d’intervenziun. Cun proteger la respiraziun e pinai da stizzar vegn il ladretsch rumiaus. Quei succeda cun agid da pliras maschians agricolas. Ei cuoza 4..5 uras entochen ch’ils 900m3 fein ein rasai cun maschinas ed a maun silla Salplauna avon la stalla. Tgunsch ha l’aulta humiditad el fein evitau che quel ha pigliau fiug. La bilanza suenter 5 uras: negins donns vid il baghetg, neginas persunas e negins animals che han pitiu. Sulettamein il fein ei tgunsch ruinaus. En acziun ein sati: 16 pumpiers, 4 purs cun lur maschinas grondas, 2 polizists e 3 gidonters voluntaris. In incendi sco 2006 ha saviu vegnri impedius. La raschun dil surscaldament ei in defect vid la ventilaziun dil fein.