Relaschada 2020

20-11-2020. Cunquei che nies onn da pumpiers terminescha cun la fin november vein nus oz stuiu prender cumiau da quater pumpiers. Ferton che Ursin Schmid e Roand Cajacob han prestau dapli survetsch che pretendiu, termineschan Othmar Lutz ed Otmar Venzin suenter ver cumpleniu lur 45. onn da naschientscha. Ensemen han els quater prestau varga 100 onns survetsch ed ein stai ina petga impurtonta per nus.

Cun la fin digl onn remetta era nies president Victor Flepp siu uffeci sco gerau e president dils pumpiers. Ils davos 20 onns ha el procurau per in bien svilup da nies corp, all’enstchatta sco cau da material dils Pumpiers Mustér ed il davos sco gerau responsabel. Ad els tschun engraziein nus da cor pigl engaschi e lur lavur e giavischein vinavon bien success. Muort corona vein nus buca saviu far nossa usitada tscheina finala. Tuttina vein saviu prender cumiau dad els enteifer ina gruppa pintga e dir engraziel. En ina jamna entscheivan ils recruts lur survetsch aschia che nus vein puspei igl effectiv da persunal pretendiu.