25-7-2020. Sco mintga onn han ils affons dalla Cadi era uonn puspei giu la pusseivladad da visitar ils Pumpiers Sursassiala, gia per la 9. gada. 40 affons ein suandai igl invit ed ein stai a Mustér duront in di per mirar tgei ch’ils pumpiers fan. Dapi biars onns ei era Roland Cavelti dalla firma Primus dalla partida. El muossa mintgamai als affons co agir en cass da fiug a casa, pia igl „emprem agid“ tier in incendi. Grazia alla stretga collaboraziun cul survetsch 144 dapi il zercladur 2020 ei era naschiu l’idea dad integrar il Salvament Surselva el team. Silvia ed Andreas han mussau als affons co il survetsch funcziunescha ed han aschia fascinau els per quei interessant mistregn. Franc ein tuts returnai a casa culla ferma intenziun da daventar in di pumpier ni segir sanitaria da salvament.
