5-2-2020. Els ein cheu sche persunas drovan agid els cuolms, ils specialists dil Salvament alpin svizzer (SAS). Nos meinagruppas han giu la cuida d’astgar visitar ina sera d’exercezi ensemen culs „profis dallas sugas“ e naturalmein ch’els han empriu fetg bia: manischar las sugas, nuvs, fixaziuns, diever da material special ed aunc bia auter. Sin quater differents posts han els astgau observar la lavur ed era segidar da sligiar differents problems cun sugas. Culla savida generala dils pumpiers pertuccont sugas e nuvs ein els buca vegni fetg lunsch. En scadin cass ei la quintessenza stada clara: per cletg dat ei persunas specialisadas che san far la lavur da spindrament a moda professiunala.