5-6-2019. Il pass Lucmagn ein in dils paucs pass nua che transport da rauba malsegira ei lubius. Consequentamein ston ils pumpiers esser preparai per ina havaria. Gia daditg era planisau da far in exercezi cullas forzas d’intervenziun pertuccadas ed uss eis ei stau aschi lunsch. Datier dad Acla ei vegniu inscenau in accident cun ina camiunetta. Ils centers d’intervenziun ABC da Domat e Sursassiala ein stai en acziun ensemen culla polizia cantunala.

La collaboraziun da tuttas partidas ha funcziunau fetg bein. La direcziun dil sercass ha priu las dretgas decisiuns per sligiar il problem. Igl engaschi da polizia e pumpiers ei staus fetg buns. Naturalmein dat ei punct da migliurar che san vegnir integrai els proxims exercezis. Denton san ins dir ruasseivlamein che las forzas d’intervenziun ein semtgadas sch’ei capitass zatgei pli special silla via dil Lucmagn.

Fotos: Hans Huonder, ANR e Pumpiers Sursassiala