6-12-2018. Igl onn 2008 ha il cantun Grischun creau la nova basa ABC Sursassiala. Muort ils transports da rauba malsegira sur il Lucmagn, mo era entras ina restructuraziun dallas basas el cantun ei quei stau necessari. Per saver ademplir quei pensum ha la vischnaunca ensemen culla segirada d’edifeczis cantunala cumprau il vegl camiun pionier dils pumpiers dad Affoltern (ZH). Il vehichel che ha oz 33 onns ha prestau fetg buns survetschs. Mo uss, suenter tons onns ed en vesta da reparaturas probablas, ha l’Assicuranza d’edifecis dil Grischun decidiu da remplazzar quel cun ina nova maschina. El medem mument ei vegniu creau in concpet da material che vala plaun a plaun pigl entir cantun. Il material vegn transportaus sin moduls ed il camiun ha plaz per 12 da quels. Aschia vein nus era plaz per material per accidents sin viafier e via. Il camiun ei vegnius construius dalla firma Walser a Zezras/Rankweil (A). Ina presentaziun dalla maschina suonda sut il link „vehichels“. L’inauguraziun dil vehichel ha liug ils 30/31 d’uost 2019.