2-10-2017. A Pardatsch, silla Via Lucmagn, sederscha in camiun da betun en ina carraun. Divers liquids sorteschan dil camiun totalmein destruius e pericliteschan il Rein da Cristallina che cuora gest dasperas. Ieli da hidraulica caschuna in fiug che sestezza denton ualti spert da sesez. Grazia agl agir prudent dallas persunas ch’ein igl emprem mument sil plaz e silsuenter entras la lavur da nossa gruppa ABC sa vegnir impediu che liquids cuoran ell’aua. Nos specialists eviteschan che dapli materia sorta e ligian cun material special ils ielis sin via. Il manischunz dil camiun ei vegnius da sedeliberar sesez ord la cabina destruida.   Gest tier l’arrivada suonda gia il proxim alarm d’in barschament da furnel. La gruppa vegn spert da stizzar il fiug.