Grosse Übung mit Feuerwehr, Polizei, Rega und Sanität in Danis

da Hans Huonder

14.6.2017 Rodund 50 pumpiers, polizists cantunals, collaboraturs dalla Rega e d’ambulanzas han exercitau la mesjamna sera il seracass sin la via cantunala a Danis¬Tavanasa. Ils responsabels pigl exercezi tilan ina bi¬lanza positiva. Igl exercezi ei staus dedicaus alla collaboraziun dallas differentas organisaziuns dil salvament e dalla segirtad. Agl exercezi ein las gruppas dil salvament sin via dils pumpiers da Sursassiala e Glion stadas el center. Per l’emprema ga han ellas collaborau el rom d’in exercezi. Leutier ei la polizia cantunala separticipada sco era las amulanzas staziunadas a Glion e Mustér e la Re¬ga. Commembras e commembers dall’Uniun samaritana Breil ein semess a disposiziun per la funcziun da figurants. Il scenari: Els treis autos involvi egl accident se¬ sanflan tschun persunas, da quei treis grevamein blessadas. La via ei vegnida segirada, il traffic sviaus ed ils pertuccai egl accident ein vegni deliberai dils pumpiers. Ils blessai ein vegni survigilai, provedi egl emprem agid e silsuenter preparai pil transport en spital. Ils participai vid igl accident han buca mo giu da sbatter cun las difficultads sedadas entras igl accident. Gest per l’entschatta digl exercezi ha ei era entschiet a draccar. Gion Casaulta da Castrisch, ch’ei staus ensemen cun Fredy Caminada da Mustér menader digl exercezi, tila ina bilanza fetg posi¬tiva digl engaschament: «Nus essan fetg cuntents cugl exercezi. La communicaziun ha funcziunau fetg bein denter ils partenaris, mo era la collaboraziun denter las duas gruppas dils pumpiers ei stada fetg positiva.» Potenzial d’optimar dat ei tenor Casaulta sulettamein tier pigns detagls: «Impurtont eis ei adina d’esser semtgaus per tuts scenaris pusseivels.»

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.