Culla fin mars va il schef dil post da polizia a Mustér, Clemens Tomaschett, en sia beinmeritada pensiun. Nus engraziein ad el per la buna collaboraziun duront biars onns e giavischein tut bien, ch’el possi ussa guder siu temps liber, ils hobis e la famiglia. Cun ils 1. d’avrel 2017 entscheiva siu successur e tochen ussa substitut Daniel Tschuor la nova incarica sco menader da post. Sco niev substitut vegn Luca Degonda da niev a Mustér per cumplettar il team da sis persunas. Ad els dus giavischein nus medemamein tut bien, in bien maun e sperein sin ina buna collaboraziun.   La collaboraziun denter polizia e pumpiers funcziunescha tier nus exemplaricamein. Franc ei il fatg che tuts enconuschan in l’auter in dils motivs. Mo ei drova dapli: fidonza ed enconuschientscha dil partenari, bunas cumpetenzas da mintga vart. Che quei funcziunescha fetg bein demuossan ils differents seracass adina puspei. Cunzun tier nus ella periferia ei mintga organisaziun visada sigl agid da l’autra. Maun en maun vegnin nus denton da sligiar nos pensums – cun in bien resultat.