21-11-2016. La gruppa d‘intervenziun stradala ha exercitau ensemen culla sanitad e la polizia in accident da traffic. Schegie che tuttas treis organisaziuns enconuschan fetg bein lur agens pensums, ein tals exercezis zun impurtonts per la collaboraziun. Era tier igl exercezi da quei gliendisdis sera ei semussau ch‘ins sa optimar la collaboraziun e nezegiar meglier las forzas avon maun.
