17-12-2015. Entras in accident ei ina persuna indigena vegnida blessada miez grevamein. Ella ha stuiu vegnir transportada culla Rega el spital cantunal a Cuera. La dunna da 52 onns era vidlunder da reparter las gasettas. Suenter ver bandunau siu auto entscheiva quel da rullar naven. La dunna cuora spert suenter e vul retener il vehichel. Duront quell’acziun vegn ella schmaccada digl auto encunter in mir. Per la liberaziun dalla blessada ein ils pumpiers stai sil plaz cun 15 persunas. Era in miedi d’urgenza e l’ambulanza ein segidai tier l’acziun.
