18-4-2015. Mo paucs onns avon la fusiun dils treis corps da pumpiers dalla Sursassiala han ils Pumpiers Medel giu schau crear in niev logo il qual ei vegnius surprius tier la fusiun cun pintgas adattaziuns. Deplorablamein funcziunescha quei logo mo malamein, malgrad la buna idea. Ed aschia studegein nus gia dapi onns vid ina midada. Uss cu cuviartas van plaunsiu alla fin ed ils dus novs vehichels ein arrivai essan nus vegni in tec sut pressiun e vein stuiu festginar cun nossa lavur. Plirs pumpiers han inoltrau dabia ideas e cun il pareri da dus grafichers e biaras emprovas ei sedau in resultat plascheivel. Sin fundament d‘ina gliesta da criteris ha ei lu aunc dau enqual midada. Adina puspei vein nus schau ruassar il project per survegnir novas ideas. La fasa finala ei veseivla sut (las variantas pli extremas vein nus serrau en truchet).