24-2-2015 Gest cun treis camiuns: dus autos-scala ed in camiun da telescop ei la firma Feumotech arrivada a Mustér. La finamira: analisar tgei sistem ch’ei il pli adattau per nossa regiun. Il motiv ei che nies auto-scala cuntoscha 2016 il limit da vegliadetgna. La scala munglass ina revisiun totala. En vesta da quels aults cuosts che seresultassen (ca. 100’000 CHF) e las diversas grondas reparaturas dils davos onns, cunvegnan investiziuns futuras buca pli. Ei resta pia nuot auter che da remplazzar il vehichel. Sche nus fagein quei ad uras ei la schanza gronda da survegnir zanus in bien vehichel u d’occasiun ord ina scola da pumpiers che remplazzan quels suenter 2-3 onns, ni in auto da presentaziun che ha medemamein in prezi reduziu.      Pliras uras vein nus empruau ils vehichels e dasperas era creau ina gliesta da varga 100 puncts d’intervenziun naven da Trun ensi. Quella gliesta risguarda era ils seracass dils davos 30 onns e las intervenziusn da nies auto-scala actual dils davos 10 onns. Uss vein nus da cuntinar cun l’analisa per che nus sappien formular il carnet da duers per il vehichel sin la stad 2015 cura che la tscherca entscheiva.