3-6-2014. Ina classa dalla scoletta da Mustér ei sefatschentada duront igl onn da scola cul tema pumpiers. Aschia ha la mussadra Pia Condrau vestgius da pumpiers pil til da tscheiver aschi bein, ch‘ins pudess tertgar ch‘ils affons portien vers vestgius encunter fiug. Dacuort han ils affons astgau far viseta tier ils dretgs pumpiers, in eveniment per mintgina e mintgin. E sch‘il temps fuss buc staus limitaus, fussen els tgunsch aunc oz el local da pumpiers a Cuoz e contemplassen da rudien uaffens e maschinas. Resta mo aunc lur empermischun dad era vuler vegnir pumpier! Nus vesin en 15 onns.