Victor Venzin da Fuorns daventa niev vicecumandant per la vischnaunca da Medel/Lucmagn. El daventa aschia successur per Patric Gienal ch’ei nunspitagdamein seretratgs da siu uffeci. Dapi la fusiun dils treis corps da pumpiers ha mintga vischnaunca in vicecumandant. Quel vegn cunzun en acziun sch’ei dat seracass da dimensiun regiunala ed ei responsabels per la lavur dils pumpiers sin territori da sia vischnaunca. El representa il cumandant ed ei la colligiaziun denter pumpiers e vischnaunca. Nus giavischein a Victor Venzin bien maun, plascher e success per sia nova incarica. El medem mument engraziein nus a Patric Gienal per sia buna lavur prestada.