Buca paucs ein sesmarvegliai la damaun dils 20 d’avrel 2013 vesend la gronda nevada. A Curaglia ei vegniu miserau 84 cm neiv nova. E la neiv ha era purtau entgins problems. Aschia ei il prighel da lavinas carschius enteifer mo paucas uras da pign sin grond – il secund scalem da prighel. Consequentamein han pliras vias stuiu vegnir serradas. En Val Medel ei tut il traffic vegnius bloccaus, a Mustér singulas colligiaziuns. Pégns e plontas derschidas han procurau per donns vid las lingias electricas. La Val Medel ha duront pliras uras buc giu forza electrica. Mender denton ei il defect vid ils indrezs da telecommunicaziun staus: las antennas ein curadads ora gest per plirs dis. Enamiez quei scenari vein nus collaborau cugl Uffeci da construcziun bassa e las cumissiuns da lavinas. Il concept elaboraus avon dus onns ensemen cugl uffeci cantunal ei secumprovaus. Aschia engraziein nus a tuts involvai per la buna collaboraziun.

Cheu a Curaglia entscheiva la zona serrada. Ina maschia ha la dumengia stuiu dustar sur Pardé ina lavina da 5 meters altezia.           

Pégns e plontas derschi han teniu a cauld ils uffecis forestals. Pliras vias principalas ed era lateralas ein stadas bloccadas adina puspei.