28-8-2011: La sera vid mesa las nov engartan catschadurs in fiug egl uaul dado la Punt Gronda sur la via cantunala. Immediat ein bostger communal Flurin Cathomas ed il cumandant Ivo Decurtins semess sin via. Da nossa vart semettin nus cun duas persunas medemamein sin via encunter Grep da Ferm. Arrivai el liug, brischan las flommas gia sur ina pli gronda surfatscha. Per igl uaul giuven ella vischinonza, mo era pil stradun principal regia prighel. Ils pumpiers da Sumvitg e Trun, sco era ina part dils pumpiers Sursassiala vegnan alarmai. L’auter di ha ei giu num far uorden: la gruppa dils novizs ei stada igl entir di en funcziun per gidar a stizzar e silsuenter far uorden culs uders e cugl ulteriur material duvrau.