14-2-09: La sonda gia baul ein las gruppas specialisadas sin l’ustonza d’ieli e chemia (UIC) da Tavau, Tusaun, Laax e Flem serimnadas a Tusuan per il cuors da perfecziun 2008. Il cuors che vess giu liug gia il november 2008 veva lu stuiu vegnir stuschaus muort las grondas nevadas.

Ils participonts han luvrau sin sis differents posts nua ch’els han saviu slargiar lur savida:

Post 1: Ulivaziun dil potenzial e pumpar entuorn chemicalias. Sper la lavur pratica han ils pumpiers viu tgei che sa schabegiar sch’il potenzial vegn buc ulivaus correctamein. Gia in soli sulet daguot benzin ed ina pintga sbrenzla san effectuar in’explosiun.

Post 2: Quei post ei sefatschentaus cullas zonas da prighel, la decontaminaziun ed il secuntener enteifer il spazi da seracass.

Post 3: La mesiraziun da gas explosivs e malsegirs s’auda medemamein tier la lavur dils specialists.

Post 4: Segirtad persunala stat el center da quei post. Ils pumpiers emprendan co vegnir a frida cun diversas situaziuns e periclitaziuns entras substanzas ABC.

Post 5: Siaras dad ieli s’audan tier il mintgadi dils pumpiers. Per ils specialists dat ei denton ulteriurs indrezs per serrar l’aua e ligiar igl ieli. Sil post han els empriu co ir entuorn cun siaras da Lenoir.

Post 6: Actualmein vegnan tuts reglaments da scolaziun surluvrai. Per l’UIC dat ei gia il niev reglament e quel ei vegnius presentaus als pumpiers.