La dumengia, ils 9 da november allas 03.31 uras vegn la basa digl agid stradal da Mustér clamada ad in grev accident da traffic a Salaplauna/Fontanivas. Ina persuna ei grev, treis ulteriuras levamein blessadas. La persuna grev blessada ei vegnida transportada entras la REGA el spital cantunal a Cuera, ils ulteriurs treis pazients ein vegni transportai cun duas ambulanzas el spital a Glion. Il vehichel ei demolius totalmein.  Il manischunz che possedeva negina lubientscha da carrar ei sviaus a Salaplauna sur la via ora, sur in mir da sustegn e rodund 200 meters ella profunditad. Tuts passaschiers ein vegni fiers ord igl auto. Duas persunas mo lev blessadas ein arrivadas a pei el vitg da Mustér ed han saviu clamar per agid. Ils pumpiers ein stai en acziun cun 12 persunas, la polizia cun duas persunas e la sanitad cun 8 persunas.  Il spindrament dalla persuna grev blessada ha caschunau in grond engaschi entars sanitad e pumpiers.