Text: G. Tenner

Fotos: D. Sac

La dumengia sera, ils 12 da schaner 2004, vegnan ils pumpiers clamai ad in accident cun ieli da scaldar. En in baghetg en construcziun ha muort in defect tecnic ina lingia dad ieli piars liquid e caschunau donns vid il baghetg. 17 pumpiers ein stai en acziun. Enteifer 2 uras ha igl ieli saviu vegnir ligiaus e dismess. Per saver far la lavur endretg ha in magasin da material da construcziun stiu vegnir allontanaus, ils bischels vegnir schubergiai toc per toc. Problems ha ei era dau cun in tumbin da ventilaziun, nua che la gronda part digl ieli ei serimnada. Donns secundars per igl ambient ha ei dau negins. Il material contaminau ei vegnius transportaus directamein el stabiliment per arder rumien a Vaz sut.