Ils 12 da schaner 2002 ha giu liug il cuors per novizs a Mustér. Ils cuors ei vegnius organisaus digl Uffeci da polizia da fiug cantunal. Il motiv, daco che nus vein insistiu sin in tal cuors ei stau il diember reduciu dil corp da pumpiers da Mustér. Cun ils novs pumpiers savein nus numnadamein sepresentar ussa cun in corp ed effectiv tenor las prescripziuns dil Cantun ed essan pinai per il proxim seracass. Al cuors han 14 pumpiers da Mustér e 3 pumpiers da Sedrun/Tujetsch priu part. Il di da sulegl e cun temperaturas dètg emperneivlas ei pia staus el senn futur dils corps sisum la Cadi, numnadamein quel d‘ina collaboraziun stretga era pertuccont la scolaziun. Che quei funcziunescha han ils novizs demussau bein.  Dus instructers han procurau per la buna scolaziun dils giuevenils: Christian Demont da Rueun e Urs Paulin da Glion. Els han capiu da era sche bia ei stau teoria e basa. Ils pumpiers ein denton stai cuntents ed ins astga ruaseivlamein pretender ch‘els san dapli che biars pumpiers ch‘ein gia dapi onns en uffeci. Els han era viu che far pumpiers ei nuota aschi sgarscheivel sco beinenqualin tertgava.  Aunc stattan els giudem la scala e miran ensi – mo tgisà, forsan ha quei di ina nova cariera entschiet. Corps ed uffeci cantunal da fiug ein adina alla tscherca da buna glieud. Ch‘ins sa era ver legher tier ils pumpiers han els era empriu, forsa buca adina, mo il pli savens.  Insumma buca da rir – silmeins quei mument – han ils dus pumpiers ch‘ein vegni pachetai sin barella giu. Serrar ils egls e schar schabegiar quei che schabegia! Avon els spetgan in‘altezia da plirs meters sin barella, mauns ligiai, aschia ch‘ei dat negin scappar pli. Ver confidonza ei bein ina ulteriura caussa che cunzun ils „pazients“ han empriu.  … mo cun quella segirtad dat ei nuot da temer!   Igl avonmiezdi ei staus dedicaus al stizzar, alla furniziun d‘aua ed a caussas fundamentalas insumma pertuccont pumpiers. Il suentermiezdi ei staus dedicaus allas liberaziuns cun scala e las persunalas. Il di da novizs ei in di special pertgei en quella fuorma vegn igl udiu da quei di mai pli exercitaus suenter en nos dus corps da pumpiers. Auters pensums vegnan a spitgar sin ils novs pumpiers: schurmetg da flad, scala mecanica, sprezzas a motor ed auter material. Tuttina ei igl empriu da quella sonda il principal dall‘entira instrucziun dils pumpiers.  Legrau il stab, mo era ils instrcters ei las remarcas dils pumpiers ch‘il cuors hagi plaschiu  Nus giavischein perquei als novs tut il bien sin lur niev viadi e ch‘il plascher semantegni tochen al di dalla davosa relaschada.